The Rights Of Minorities
Sri Lankan Muslims UK
M I M Farook
Reporter
Sri Lankan Muslims Against to Sri Lankan Government & Sinhalese Racist Groups
ජනාධිපති ලේකම් කාර්යාලය ඇතුලේ CSN කාර්යාලයකුත් තිබිලා
23/Oct/2015
කොළඹ පැරණි පාර්ලිමේන්තු ගොඩනැගිල්ල තුල පවත්වාගෙන යන ජනාධිපති ලේකම් කාර්යාල සංකීර්ණයේ එක් කාමරයක් තුල රාජපක්ෂ පවුලට අයත් කාල්ටන් ස්පොර්ට් නෙට්වර්ක්(CSN) හී කාර්යාලයක් පවත්වාගෙන ගොස් තිබෙන බව හෙළිව තිබේ.
මහින්ද රාජපක්ෂ ජනාධිපති වරයාව සිටි සමයේදී ජනාධිපති මාධ්‍ය අංශයක් ස්ථාපිතව තිබියදී ' ජනාධිපති ජාත්‍යන්තර මාධ්‍ය ඒකකය' යන නමින් තවත් මාධ්‍ය ඒකකයක් පවත්වාගෙන ගොස් ඇති අතර ඒ වෙනුවෙන් වෙන් කොට තිබු කාමරය තුළ මෙම CSN කාර්යාලය පවත්වාගෙන ගොස් තිබේ. මෙම කාමරය පාවිච්චි කරනු ලැබුවේ නාමල් රාජපක්ෂ මහතා සහ තවත් තරුණ තරුණියන් කිහිප දෙනෙකු විසින් බවටද තොරතුරු හෙළිව ඇත.
ජනාධිපතිවරණය පරාජයෙන් පසුව ජනාධිපති ලේකම් කාර්යාලය තුල තිබූ බොහෝ දේ රැගෙන යාමට රාජපක්ෂවරු කටයුතු කොට තිබුණද මෙම කාර්යල කාමරයේ තිබු කිසිවක් හෝ රැගෙන ගොස් නොමැත. ඒ අමතක වීමෙන් සිදු වූවා විය හැකිය. මන්ද මෙම කාර්යාලය තුල CSN රූපවහිනිය විසින් පටිගත කරන ලද වැඩසටහන් කැසට් පට පන්සියයක වඩා තිබීමය. එමෙන්ම ආයතනයට අදාල වැදගත් ලියකියවිලි රැසක් මෙහි තිබී ඇත.
මෙම කැසට් පට හා ලියකියවිලි සම්බන්ධයෙන් සොයා බැලීමක් සිදු කිරීමට ජනාධිපති කාර්යාලය පියවර ගෙන තිබේ. එමෙන්ම ජනාධිපති ජාත්‍යන්තර මාධ්‍ය ඒකකය ලෙස ස්ථාපිත කර තිබූ මේ විශේෂ ඒකකය කුමක්ද යන්න ගැනත් එමඟින් සිදු කොට ඇති කාර්යය කුමක්ද යන්න ගැනත් මේ වන විට සොයා බලමින් තිබේ. පහතින් දැක්වෙන්නේ එම කාර්යාලයේ ඡායාරුප කිහිපයකි.
කෙසේ නමුත් ජනාධිපති ලේකම් කාර්යාලය යනු රාජපක්ෂලාගේ බුක්තියට සවිව තිබු ඔවුන්ගේ පෞද්ගලික දේපලක් නොවේ. ඒ මෙරටේ මහජනතාවගෙන් අයකර ගන්න බදු මුදලින් නඩත්තු කළ රජයේ ආයතනයකි. රාජපක්ෂලාගේ බිස්නස් වැඩ වෙනුවෙන් මේ පොදු දෙපල යොදා ගැනීම බරපතල වරදකි.
මේ CSN ආයතනය ගොඩ නගන ලද්දේ රාජ්‍ය දෙපල හා ජාවාරම් මඟින් උපයන ලද කළු සල්ලි ආයොජනය කර බව මේ වන විට එම ආයතනය සම්බන්ධයෙන් මූල්‍ය අපරාධ විමර්ශන කොට්ඨාශය විසින් සිදු කරනු ලබන විමර්ශන වලදී අනාවරණය වී තිබෙන්නකි